“Donostia, itsas hiria” erakusketa honetan erromatarren garaitik gaur egun arteko ibilbide bat egingo da Donostiako itsas historian barrena. XIX. mendearen amaieran Donostiak sendotu egingo zuen bere alderdi turistikoa, aldi berean itsasoarekin eta merkataritzarekin lotura murriztuz.

Donostiako portu bilbea (Pasaia ere honen zatia izan zen XIX. mendearen hasiera arte) Europako itsas jardueraren garrantzi handiko gune bat izan zen, Erdi Aroan hasi baitzen gorantz egiten hainbat gorabeherei eutsiz XVIII. mendearen amaiera arte. Itsas garraio eta merkataritza, alturako eta baxurako arrantza, baleak harrapatzea, ontzigintza, itsasoko gerrak eta kortsarioen jarduera izan ziren, hainbat mendetan zehar, Donostiako eta inguruko biztanle gehienen bizimodua. · Hezkuntza Zerbitzuak bisitaldiak antolatzen ditu adin guztietarako. Tailerrak eta bisitak garatzeko beharrezkoa da aurrez hitzartzea museoko Hezkuntza Zerbitzuarekin (telefonoz, faxez, eta e-mailez egin daitezke). · Museoak beste zerbitzu batzuk ere eskaintzen ditu.