Baserri eskola hau 1990. urtean sortu zen eta azken urte hauetan, gure esperientzian, 40.000 haur baino gehiagok hartu dute parte.

Leku zoragarri batean kokaturik dago: Urdaibaiko Erreserbaren barne-barnean. Antzinako baserri bat da, guztiz berriztuta eta erosotasun guztiekin 130 haurrentzat egokitua. Horrez gain, aterpetxoak eta jolasteko pistak ere badauzka. Egonaldi desberdinak egiteko aukera dago eta egonaldien bidez Naturan gertatzen diren fenomeno guztiak aztertu eta ikasten dituzte.