HIK HASI Euskal Heziketarako aldizkariak Joseba Sarrionandiaren azken liburua aurkezten du: Idazlea zeu zara, irakurtzen duzulako. Liburua berria eta berritzailea da. Izenburuan Sarrionandiak iradokitzen duen moduan, idazketa irakurketarekin osatu eta biderkatzen da. Haren esanetan, irakurketa bakoitza ber idazketa bat dela esan daiteke. Beraz, testuak argitaratzen den mementuan hasten du bizitza. Eta izenburutik abiatuta, 133 ipuin biltzen dituen liburuak ideiak piztu nahi ditu. Idazleak kontatu digunez, ipuin bat asmatzea errealitateari harresian leiho bat zabaltzea baita, bestaldean topatuko denaz jabetu gabe oraindik, zalantzaz, beldur apur batekin. Idazleak leihoa zabaltzen du, zerbait seinalatzen du behar bada, baina lagunari begiratu eta nahi duena ikusteko libertatea dagokio. Ipuinak marrazkiz lagundurik daude. Ipuin beste marrazki dago, haiek ere bizitza propioa hartzen dutelarik.

Poliedroak hainbat alde ditu Elbira Zipitriak. Ikastolaren hazia, eta euskal eskolaren gerra aurreko eta gerra ondorengo mugimenduaren lokarria izan da. Abertzalea, euskaltzalea, fededuna eta klase kontzientzia handikoa, isilpean eta ausardiaz jokatu zuen frankismoaren urte beltzenetan.Adostasun ezen gainetik, asko zor diogu euskaldunok. Liburu honen bidez herri oroimenetik berreskuratu nahi izan da Elbira Zipitria eta zor zaion esker ona erakusteko.

Gazteen euskararen erabilera sustatzeko gida. Euskararen erabileran gehien eragiten duten faktoreak euskaldunen dentsitatea, euskaraz eta erdaraz hitz egiteko gaitasuna eta euskararekiko jarrera dira.. Lan hortan eskolek, udalek, ikastetxeek, euskara elkarteek eta beste askok dihardute. Gazteen artean euskararen erabilpena sustatzeko egiten ari den lanaren berri emateko jomuga du lan honek.