Idazketaren didaktika urtez urte Irune Ibarrak egindako lana da, eta ildo tradizionala eta ildo konstruktibista uztartuz, idazketaren didaktikarako proposamena, adiskidetze proposamena, egiten du liburuak. Idazkera harmonikoak ahalbidetzeko jarraibideak ere topatuko dituzue, eta baita letra larriak eta xeheak egiteko ereduak eta txantiloiak ere.

Finlandiako Hezkuntza Sistema monografikoan, testuingurua ulertzeko datu batzuk eskaintzen dira lehenik, eta, ondoren, Finlandiako hezkuntza sistema ezagutzeko eta ulertzeko informazioa. Aukera berdintasuna, irakasleen lana eta prestakuntza eta hezkuntza etapak gertutik ezagutzeko aukera eskaintzen dute hurrengo atalek, eta amaitzeko, bertan bisitatutako eskolei buruzko artikuluak daude.