| Haur Hezkuntza, haur eskola, haurreskola, haurtzaindegi, ikastola, zaintzaile, hezitzaile, irakasle... Erabilitako hiztegia bezain anitza eta konplexua da 0-6ko Haur Hezkuntza. Horregatik, Hazitegi Proiektutik, gune bat eskaini nahi da 0-6ko gelen egunerokotasunaz hausnartzeko. Gogoetak geletan hobekuntzak egiteko abiapuntu bihurtzea du helburu. Asmo horrekin oso bestelako gaiak jorratuko dira: haurraren zein helduaren rola, atxikimendu-irudiaren bikoizketa eta familia eta komunitatearekiko harremanak, jardueretarako irizpide nagusiak, espazioaren eta denboraren antolaketak...
Norentzat
Haur Hezkuntza osoko (0-6) profesionalentzat.
Helburu nagusiak
- Haur Hezkuntzaz eta norberaren egunerokotasunaz hausnartzea.
- Egunerokotasuna are aberatsagoa egiteko zenbait irizpide ezagutzea.
- Teoria eta praktika uztartzea.
Edukiak
- Haurraren eta helduaren rolak eta funtzioak.
- Eskola-familia-komunitatea harremanak.
- Haurraren esplorazioa, berdinkideen arteko harremanak eta erritmo biologikoak.
- Jarduerak eta proiektuetarako irizpideak.
- Espazioaren eta denboraren antolaketak.
Metodologia
Jorratuko diren gaiek arlo teorikoa eta praktikoa izango dute. Halaber, taldekatze malguak baliatuko dira partaideek beren esperientziak adierazi eta gaiak jorra ditzaten. Era berean, ikus-entzunezko zenbait euskarri ere erabiliko dira.
|
0-6 haur eskolak, hazitegi proiektua 