| Haur Hezkuntzako irakasleei haurrek pentsatzeko, sentitzeko, jokatzeko eta elkarrekin komunikatzeko duten gaitasuna bultzatzeko baliabide ludikoak eta sortzaileak zein fundamentazio teorikoa eskainiko zaizkie. Ardatza pentsamendu sortzailean, kritikoan, zenbait balio eta jarrera etikotan egongo da.
Ipuinen, jolasen eta artearen bidez, haurren arteko eztabaida gogoetatsua eta kooperatiboa errazteko sarrera ikastaroa da.
Norentzat
Haur Hezkuntzako irakasleentzat (3-6 urteko zikloa)
Helburuak
1. Haur Hezkuntzako haurren pentsamenduaren garapena bultzatzea, tresna praktikoak, gogoetatsuak eta sortzaileak eskainiz.
2. Gelan egiten diren ekintzen ulermenerako eta ezagutzarako, jarrera gogoetatsuaren balioa ulertzen laguntzea.
3. Ondo pasatzeko aukerak ematea jarduera ludiko eta sortzaileak erabiliz.
4. Gela eta eskola barruan, pentsatzeko, jokatzeko, sentitzeko, sortzeko eta adierazteko hainbat modu daudela ulertzen eta sustatzen laguntzea.
Metodologia
1. Metodologia parte-hartzaile eta dinamikoa: jarduera praktikoak, ludikoak eta sortzaileak.
2. Elkarrizketa eta gogoeta komunitatea.
3. Fundamentazio teorikoa.
Ikastaro teoriko-praktikoa izango da.
|
Jolastu eta pentsatu. Sortzaileki pentsatzen ikasi Haur Hezkuntzan 